Пад Салігорскам засыпала зямлёй мужчыну, які капаў траншэю (фота)

2 кастрычніка ў 16:53 салігорскіх ратавальнікаў выклікалі ў вёску Пагост-2: там засыпала зямлёй чалавека, піша прэс-служба МНС.

Высветлілася, што мужчына капаў траншэю, каб пракласці вадаправодную трубу ў свой дом. Частка грунту прасела ў траншэю і мужчыну засыпала зямлёй. 

Ратавальнікі дасталі пацярпелага і перадалі медыкам. Пасля агляду ў лякарні яго адпусцілі дадому.