Жыхару Мар'інай Горкі з Польшчы даслалі 752 маркі, прапітаныя ЛСД

27-гадоваму жыхару Мар'інай Горкі з Польшчы ў паштовай карэспандэнцыі даслалі 752 маркі, прапітаныя небяспечным псіхатропным рэчывам ЛСД. Яны былі шчыльна запакаваныя ў вакуумны пакет, інфармуе customs.gov.by.

Праз некалькі дзён кінолагі знайшлі падазроны канверт, дасланы жыхарцы Смалявіцкага раёна. Яго ўскрылі. У віншавальную паштоўку былі схаваныя дзве маркі, прапітаныя ЛСД. Гэта засведчылі эксперты.

У абодвух выпадках былі распачатыя крымінальныя справы.