Пад Добрушам абрынулася 25-метровая канструкцыя, спынена праца камбіната

27 верасня адбылося здарэнне ў аграгарадку Лугавец-Калініна Добрушскага раёна. Пасля 15-й гадзіны там абрынулася канструкцыя на горна-абагачальным камбінаце філіяла прадпрыемства "Гомельшкло". Як інфармуе прэс-служба ратавальнікаў, абрынуўся пралёт галерэі па падачы пяску. Яго даўжыня складае 25 метраў.

Ніхто з работнікаў падчас здарэння не пацярпеў. Яго прычына яшчэ высвятляецца. Тэхнічны працэс камбіната быў спынены.