Мужчына ў Чавусах захрас у транспарцёры сушыльнага комплексу

19 верасня ў 16:22 у Чавусах дапамога ратавальнікаў спатрэбілася мужчыну, які захрас у сушыльным комплексе, паведамляе прэс-служба МНС.

Здарэнне адбылося ў комплексе па сушцы драўніны на вуліцы Івуценкі. Мужчына займаўся планавым рамонтам абсталявання. 

На месцы выкліку супрацоўнікі МНС выявілі, што аператару комплексу заціснула ногі ў транспарцёры. Яго дэблакавалі з дапамогай спецыяльнага інструмента і бензарэза. 

Пасля агляду пацярпелага шпіталізавалі ў раённую лякарню з пераломамі.