Хмарнае надвор'е і кароткачасовыя дажджы прагназуюць на пятніцу

У пятніцу, 20 верасня, у Беларусі чакаецца пераважна хмарнае надвор'е, паведамляе Белгідрамет. 

Уначы месцамі, а зранку і ўдзень на большай частцы тэрыторыі краіны пройдуць кароткачасовыя дажджы. Вецер будзе заходні, паўночна-заходні ўмераны. 

Уначы тэрмометры пакажуць 1-7 вышэй за нуль, удзень паветра прагрэецца да +7...+13 градусаў.