На будоўлі шматпавярховіка ў Мінску загарэлася электраправодка на даху

Дым на даху новабудоўлі каля станцыі метро "Пятроўшчына" заўважылі сёння ўдзень мінакі. Шматпавярховік будуецца на праспекце Дзяржынскага, адзначае TUT.by.

Відавочцы паведамілі пра здарэнне ў МНС. Ратавальнікі выслалі машыну на месца здарэння. Высветлілася, што на тэрыторыі будаўніцтва дома на даху загарэлася электраправодка. Пажар здарыўся ў размеркавальным шчыце. 

Пацярпелых пры здарэнні няма, загаранне ліквідаванае.