На раніцу чацвярга сіноптыкі прагназуюць туман у асобных раёнах

5 верасня ў Беларусі чакаецца пераменная воблачнасць, інфармуе Белгідрамет. 

Будзе пераважна без ападкаў, толькі ўначы і зранку па ўсходзе пройдуць дажджы. Ноччу і раніцай у асобных раёнах прагназуецца туман. Вецер будзе пераменных напрамкаў слабы да ўмеранага. 

Уначы чакаецца 7-13 цяпла, удзень тэмпература паветра павысіцца да 16-22 са знакам плюс.