На пажары прадпрыемства ў Слуцку абгарэў работнік і згарэў цягач

У Слуцку падчас пажару на прадпрыемстве пацярпеў работнік. Праверкай інцыдэнта займаецца раённы аддзел Следчага камітэта, інфармуе прэс-служба ведамства.

Здарэнне адбылося ў ноч на 1 верасня. На тэрыторыі таварыства з абмежаванай адказнасцю ў Слуцку пры ачыстцы сыравіны шляхам выпарвання загарэліся і разліліся гаруча-змазачныя матэрыялы. Пры гэтым 31-гадовы работнік атрымаў апёкі і быў шпіталізаваны.

Пажар пашкодзіў маёмасць прадпрыемства, знішчыў седлавы цягач з цыстэрнай. Следчыя агледзелі месца здарэння, канфіскавалі фрагменты, пробы рэчыва.

Па выніках праверачных мерапрыемстваў будзе прынята працэсуальнае рашэнне.