У Жлобіне гарэлі 500 квадратных метраў штучнага футра (фота, відэа)

Увечары 2 верасня, у 18:34, жлобінскім ратавальнікам паведамілі пра пажар на сметніку, інфармуе прэс-служба МНС. 

Прыбыўшы на месцы выкліку, яны пабачылі адкрытае гарэнне футравых адкідаў. На пляцоўцы пераважна захоўваюцца адкіды вытворчасці штучнага футра пасля абстрыжы, якія складаюцца з нітрону і лаўсану.

Агонь пашкодзіў 500 квадратных метраў адкідаў. Пацярпелых пры здарэнні няма.

Прычына пажару высвятляецца. Мяркуецца, што крыніцу полымя прынесла неўсталяваная асоба.