На пажары пад Лідай загінулі два чалавекі

Уначы 2 верасня, у 1:14, лідскія ратавальнікі атрымалі паведамленне пра пажар у вёсцы Козічы. Там гарэў нежылы дом, паведамляе прэс-служба МНС. 

Агонь знішчыў дах будынка, пашкодзіў перакрыцці, сцены, маёмасць. Пад абломкамі ратавальнікі выявілі дваіх загінулых. Іх пол і асобы высвятляюцца. 

Пры самастойным тушэнні пажару гаспадар дома атрымаў апёкі. 

Мяркуецца, што прычынай пажару магло стаць неасцярожнае абыходжанне з агнём.