У Мінску абакралі аўтобус хакейнай каманды

У Мінску абакралі аўтобус хакейнай каманды (якой менавіта, не паведамляецца). 50-гадовы п'яны мужчына шукаў у прыпаркаваным каля гатэля аўтобусе сувеніры. Яму ўдалося адчыніць дзверы багажнага аддзялення, адкуль ён выцягнуў скрынку з хакейнымі майкамі. Мужчына паспрабаваў уцячы, але яго заўважыў ахоўнік гатэля. Ён патэлефанаваў у міліцыю, зламысніка затрымалі.

У дачыненні мінчука распачалі крымінальную справу, артыкул — "Крадзеж". Раней у яго ўжо былі праблемы з законам, інфармуе прэс-служба сталічнай міліцыі.