У Бялыніцкім раёне на камбайне загінуў чалавек

У Бялыніцкім раёне каля вёскі Вішаў на камбайне загінуў чалавек. Як інфармуе прэс-служба "Белэнерга", яго цела знайшлі раніцай 23 жніўня. Мяркуецца, што адбылося паражэнне электрычным токам — камбайн стаяў пад лініяй электраперадачаў. Праваахоўнікі высвятляюць усе абставіны трагічнага здарэння, прызначаны экспертызы.

"Белэнерга" папярэджвае пра неабходнасць выканання мер бяспекі падчас правядзення сельскагаспадарчых працаў каля энергааб'ектаў.