На чыгуначнай станцыі ў Магілёве адбылася ўцечка сернай кіслаты
14.08.2019 19:00
—
Разное
![На чыгуначнай станцыі ў Магілёве адбылася ўцечка сернай кіслаты](http://www.21.by/pub/news/2019/08/1565801322398647.jpg)
Ілюстрацыйнае фота / fakty.com.ua
На чыгуначнай станцыі "Магілёў-2" адбылася ўцечка сернай кіслаты. Як інфармуе gospromnadzor.mchs.gov.by, здарэнне адбылося раніцай 14 жніўня. Было заўважана, што з цыстэрны цячэ серная кіслата. Цыстэрну тэрмінова адцягнулі ў іншае месца станцыі, дзе спецыялісты правялі ахалоджванне яе катла. Мяркуецца, што прычынай здарэння стаў пераліў небяспечнага груза пры загрузцы прадпрыемствам "Нафтан". Створаная камісія высветліць дакладныя прычыны здарэння.
Адзначаецца, што ніхто з людзей не пацярпеў.