Пад Віцебскам аўтамабіль на буксіры ўрэзаўся ў бетонны плот (фота)

Увечары 12 жніўня ў гарадскім пасёлку Віцьба адбылося ДТЗ з удзелам машыны, якая ехала на буксіры, інфармуе ДАІ УУС Віцебскага аблвыканкама. 

Інцыдэнт здарыўся каля 19:30. Аўтамабіль "Ровер" буксіравалі на гнуткай счэпцы. 40-гадовая жанчына за рулём "Ровера" не справілася з кіраваннем і ўрэзалася ў бетонную агароджу.

Сама кіроўца патлумачыла, што не змагла спыніць свой аўтамабіль і хацела пазбегнуць сутыкнення з машынай, якая яе буксіравала. Таму яна павярнула свой "Ровер" направа і стукнулася ў на бетонны плот. 

Пры ДТЗ быў пашкоджаны аўтамабіль, прыпаркаваны за агароджай. 

Праваахоўнікі праводзяць праверку гэтага факту.