У Мінску затрымалі маці ў дэкрэце, якая прыехала, каб купіць наркотык

У беларускай сталіцы затрымалі маці ў дэкрэце, якая прыехала з Мінскай вобласці, каб купіць наркотык. Падчас затрымання ў жанчыны знайшлі асабліва небяспечнае псіхатропнае рэчыва альфа-PVP. Паводле яе слоў, каля грама наркотыка яна набыла праз інтэрнэт-краму, атрымала каардынаты закладкі ў Мінску ў лесе ў Першамайскім раёне. Скарыстацца ім маладая маці не паспела, яе затрымалі, інфармуе прэс-служба сталічнай міліцыі.

Вядома, што раней жыхарку Мінскай вобласці прыцягвалі да крымінальнай адказнасці за заведамае пастаўленне іншай асобы ў небяспеку заражэння вірусам імунадэфіцыту чалавека. Першамайскі СК разглядае матэрыялы праверкі, праведзенай міліцыяй.