У Старадарожскім раёне шукаюць кулямёт "Максім", які знік з помніка

У Старадарожскім раёне шукаюць макет кулямёта "Максім", які знік з помніка савецкім вайскоўцам часоў Другой сусветнай вайны. Ён знаходзіцца ў лесе каля вёскі Госціна. Невядомы адпілаваў металічныя канструкцыі, якія ўтрымлівалі экспанат. Як адзначае прэс-служба міліцыі Мінскай вобласці, кулямёт не прыдатны для стральбы.