У Брэсце падчас руху пенсіянерка выпала з аўтобуса і трапіла пад кола

У Брэсце падчас руху пенсіянерка выпала з аўтобуса і трапіла пад задняе кола. Здарэнне адбылося раніцай 24 ліпеня. Як інфармуе прэс-служба МУС, сярэднія дзверы МАЗа, якім кіраваў 55-гадовы мужчына, падчас павароту аказаліся незачыненыя. Пасля таго, як 86-гадовая пасажырка апынулася на асфальце, аўтобус наехаў на яе.

Жанчына атрымала адкрыты пералом левай галёнкі, яна знаходзіцца ў рэанімацыі. Па факце здарэння праводзіцца праверка. Больш падрабязна можна прачытаць тут.