У Наваполацку на заводзе "Палімір" загарэўся газ

У Наваполацку на заводзе "Палімір" загарэўся газ. Здарэнне адбылося 18 ліпеня ў 15:45 у адным з блокаў 105-га цэху. Як інфармуе прэс-служба МНС, адбылася разгерметызацыя злучальнага фланца, а за ёй — уцечка газу этылена і ўзгаранне. У цэху ўзняўся слуп агню.

Ратавальнікі арганізавалі ахалоджванне металічных канструкцый, а работнікі прадпрыемства знізілі ціск у сістэме. У выніку ўдалося ліквідаваць узгаранне. Пацярпелых няма.