У аддзяленні паштовай сувязі Нясвіж-3 прайшла акцыя “Абласны дзень падпісчыка”. Яе мэта — актывізацыя падпісной кампаніі, прыцягненне ўвагі патэнцыяльных падпісчыкаў і стымуляванне росту падпісных тыражоў рэспубліканскіх газет і часопісаў на 2-е паўгоддзе 2019 года.
Сярод папулярных выданняў, выпісаных падчас акцыі, — “Нясвіжскія навіны”, “СБ. Беларусь сегодня”, “Настаўніцкая газета”, “Друг пенсионера”, “Русский язык и литература”, “Юный спасатель”, “Образование Минщины”.
На фота: падчас акцыі з падпісчыкамі працавала інструктар па лагістыцы Нясвіжскага рэгіянальнага вузла паштовай сувязі Кацярына Рамашка. Загадчык ад-дзела бібліятэчнага маркетынгу Нясвіжскай цэнтральнай раённай бібліятэкі імя П. Пранузы Анастасія Сідорка прыйшла аформіць падпіску на раённую газету для матулі Лізаветы Мікалаеўны Каспер, якая выпісвае “Нясвіжскія навіны” амаль трыццаць гадоў, каб заўсёды быць у курсе падзей, што адбываюцца ў рэгіёне.
Вольга КАНДРУКЕВІЧ.