У нямецкім возеры выявілі цела дальнабойніка з Беларусі

Кіроўца вялікагрузнага аўтамабіля патануў у возеры ў нямецкім горадзе Бенсхайм. Вядома, што ён працаваў дальнабойнікам ў замежнай кампаніі. Як раней паведамлялі СМІ Германіі, мужчына прапаў 6 ліпеня. У апошні раз яго бачылі на пляжы з калегамі. Паліцыя выявіла асабістыя рэчы дальнабойніка на беразе вадаёма раніцай 7 ліпеня. У прэс-службе Міністэрства замежных спраў Беларусі пацвердзілі, што мужчына загінуў, піша БЕЛТА.