Напярэдадні Дня Незалежнасці першы сакратар раённага камітэта ГА “БРСМ” Крысціна Літвінава наведала маладых матуль у акушэрскім аддзяленні Нясвіжскай ЦРБ.
У рамках акцыі саюза моладзі «Падары немаўляці вышыванку» яна павіншавала іх з найлепшай падзеяй у жыцці, надыходзячым святам і падарыла футболкі з беларускім арнаментам для немаўлят.
— «Вышыванка» — гэта не толькі патрыятычна, але і модна, стыльна сярод людзей усіх узростаў, —адмеціла Крысціна Дзмітрыеўна. — Яна з’яўляецца сапраўднай візітнай карткай беларусаў. Вышыты нацыянальны арнамент — гэта не проста ўпрыгожванне, гэта своеасаблівы шыфр, які праз стагоддзі перададзены нам продкамі. Кожны ўзор у арнаменце — гэта сімвал, які валодае магутнай энергетыкай і закліканы ахоўваць нас. Выкарыстоўваючы «вышыванкі» ў паўсядзённым жыцці, мы выказваем сваю нацыянальную і грамадзянскую пазіцыю, культурную адукаванасць і духоўнае свядомасць, падкрэсліваем адзінства і згуртаванасць беларускага народа.
Першы сакратар раённага камітэта ГА “БРСМ” Крысціна Літвінава з маладымі матулямі Нясвіжскага раёна, дзеці якіх нарадзіліся напярэдадні Дня Незалежнасці
Наталля ЕРМАШЭНКА.