Ганаровае консульства Беларусі ў Львове аблілі чорнай фарбай

У Львове ў ноч на 21 чэрвеня невядомыя аблілі чорнай фарбай будынак Ганаровага консульства Беларусі. 

Пра гэта ў Фэйсбуку напісаў дэпутат Львоўскай гарадской рады Ігар Зінкевіч, а пазней інфармацыю пацвердзілі ў паліцыі Львова.

Паведамляецца, што невядомыя аблілі чорнай фарбай акно, дзверы і шыльду дыпмісіі.

Паліцыя распачала крымінальную справу за хуліганства. Максімальнае пакаранне, якое пагражае за такія дзеянні, — пяць гадоў пазбаўлення волі.