Да +29 будзе ў аўторак у Беларусі

18 чэрвеня ў Беларусі прагназуецца пераменная воблачнасць, інфармуе Белгідрамет. 

Будзе пераважна без ападкаў, толькі па паўночным усходзе краіны месцамі пройдуць невялікія кароткачасовыя дажджы, прагрымяць навальніцы. Уначы і зранку ў асобных раёнах чакаецца слабы туман. Вецер будзе паўночна-заходні слабы, пры навальніцах парывісты. 

Уначы тэрмометры пакажуць 11-17 вышэй за нуль, на паўднёвым усходзе прагназуецца 18-19 цяпла. Удзень паветра прагрэецца да +23...+29.