У панядзелак будзе сухое і вельмі цёплае надвор'е

У бліжэйшыя суткі, 3 чэрвеня, у Беларусі чакаецца надвор'е з пераменнай хмарнасцю без ападкаў.

Вецер прагназуецца пераменных напрамкаў, ад слабага да ўмеркаванага.

Тэмпература паветра ўначы складзе 6-11 градусаў цяпла, на поўдні краіны — да плюс 14. Удзень будзе ад 21 да 27 градусаў са знакам плюс, перадае БЕЛТА са спасылкай на Белгідрамет.

Ужо на наступным тыдні ў Беларусь прыйдзе моцная спёка з дзённай тэмпературай да +30. Вялікіх ападкаў у бліжэйшыя дні сіноптыкі не абяцаюць.