“Зарніца” – гэта спрыт, вынослівасць і знаходлівасць

Ініцыятарам і арганізатарам «Зарніцы» выступіў Смаргонскі раённы цэнтр творчасці дзяцей і моладзі. Дапамогу і садзейнічанне ў правядзенні гульні аказалі вайсковая часць 2044 і раённая арганізацыйная структура «ДТСААФ».

13 каманд піянерскіх дружын школ спаборнічалі ў спрыту, вынослівасці і знаходлівасці. Удзельнікі «Зарніцы» павінны былі як мага хутчэй прайсці ўсю дыстанцыю з якасным выкананнем заданняў, расшыфраваўшы прадстаўленыя маршрутныя лісты па азбуцы Морзэ.

Падлеткі паказалі свае спартыўныя навыкі, знаходлівасць, кемлівасць, прадэманстравалі ўменне аказаць першую медыцынскую дапамогу, веданне раслін у віктарыне «Зялёная аптэка».

Пераможцам спартыўна-патрыятычнай гульні «Зарніцы» стала каманда «Дружына» ДУА «СШ № 1 г.Смаргоні». Каманда «Легіён» ДУА «СШ № 6 г.Смаргоні» апынулася на другім месцы, «Патрыёты» ДУА «КПК Жодишковский я / с-СШ» - на трэцім.

Пераможца і прызёры былі ўзнагароджаны граматамі ўпраўлення адукацыі, а таксама каштоўнымі прызамі аддзела ідэалагічнай работы і па справах моладзі Смаргонскага райвыканкама. Астатнія каманды атрымалі салодкія прызы за ўдзел, якія падаў раённы камітэт ГА «БРСМ».

Жана КУТКО, загадчык аддзела Смаргонскага раённага цэнтра творчасці дзяцей і моладзі.