Следчы камітэт — пра студэнта, які выпаў з акна ў Брэсце

Следчы камітэт пацвердзіў, што ў Брэсце з акна інтэрната выпаў студэнт. Інфармацыя пра гэта здарэнне з'явілася напярэдадні. Адзначаецца, што ўвечары 1 траўня 17-гадовы хлопец выпаў з акна пятага паверха. Ён атрымаў цялесныя пашкоджанні і знаходзіцца ў рэанімацыі Брэсцкай абласной бальніцы, паведаміў БЕЛТА афіцыйны прадстаўнік УСК па Брэсцкай вобласці Дзмітрый Іванюк.

СК праводзіць праверку. Іванюк адзначае, што "паводле папярэдняй інфармацыі, прыкмет здзяйснення супрацьпраўных дзеянняў у дачыненні да юнака не ўстаноўлена".