У Мінску матацыкл урэзаўся ў бетонамяшалку

У Мінску матацыкл урэзаўся ў бетонамяшалку. Як паведамляе TUT.by  са спасылкай на відавочцаў здарэння, гэта адбылося ўвечары 26 красавіка на з’ездзе з праспекта Жукава на вуліцу Чыгуначную.

Грузавік з бетонамяшалкай збочваў улева на АЗС і там сутыкнуўся з матацыклам “Хонда”, які рузхаўся ў прамым сустрэчным кірунку.

31-гадовы матацыкліст трапіў у рэанімацыю з сур’ёзнымі пашкоджваннямі. Кіроўца грузавіка яго не заўважыў і спыніўся толькі калі пачуў удар.

Прычыны і абставіны аварыі высвятляюцца.