"Фіят" у Брэсце збіў на пераходзе чатырох дзяўчат (фота, відэа)

ДТЗ з удзелам некалькіх пешаходаў адбылося ў Брэсце ўдзень 19 красавіка. Паводле інфармацыі BrestCITY, інцыдэнт здарыўся на вуліцы Маскоўскай каля тэхнічнага ўніверсітэта.

Чатыры дзяўчыны пераходзілі вуліцу на зялёнае святло, калі іх збіў "Фіят". Паводле папярэдняй інфармацыі, у жанчыны-кіроўцы адмовілі тармазы. 

Дзяўчат даставілі ў лякарню. Папярэдне паведамляецца, што абышлося без сур'ёзных траўмаў.