Праціўнікаў акумулятарнага завода ў Брэсце масава выклікаюць у міліцыю

У Брэсце каля 20 праціўнікаў будаўніцтва акумулятарнага завода атрымалі позвы на пятніцу 12 красавіка. Актывістам трэба з’явіцца ў АУС адміністрацыі Ленінскага раёна ў якасці сведак па нейкай справе.

Віталь Казак, Дзяніс Малышэнка, Ірына Сіліцкая, Уладзімір Казлоўскі, Уладзімір Вялічкін атрымалі позвы ў міліцыю

Сярод тых, кто мусіць прыйсці ў міліцыю, - Віталь Казак, Дзяніс Малышэнка, Ірына Сіліцкая, Уладзімір Казлоўскі, а таксама праваабаронца Уладзімір Вялічкін. Варта адзначыць, што ўсе актывісты атрымалі позвы на адзін і той жа час – 15.00. Пра якую справу ідзе гутарка ў позве, пакуль невядома.