У актывіста, які змагаецца супраць заводу АКБ, знайшлі «падазроны пакунак»

У сябра ініцыятыўнай групы супраць будаўніцтва завода АКБ Мацвея Мазько «знайшлі падазроны пакунак», паведамляе Вясна.

Пад Берасьцем, на аўтадарозе з Берасьця ў Гершоны, супрацоўнікі ДАІ разам з людзьмі ў цывільным затрымалі аўтамабіль сябра ініцыятыўнай групы супраць будаўніцтва завода АКБ Мацвея Мазько.

Пры аглядзе аўтамабіля нібыта быў знойдзены падазроны пакунак.

Выклікалі апэратыўную групу, чакаюць адваката. Пазней стала вядома, што гэта пакуначак паляўнічых патронаў.