Паважаныя ганцаўчане!
На працягу многіх стагоддзяў два вялікія славянскія народы — рускі і беларускі, побач жывуць, працуюць, захоўваюць і прымнажаюць духоўна-культурную спадчыну. Таму ідэя яднання блізкая і зразумелая кожнаму, наша моцная дружба мае глыбокія карані і даўнія традыцыі.
Унутрысаюзныя адносіны паміж дзвюма краінамі дазваляюць развіваць палітычныя, эканамічныя, навуковыя і культурныя сувязі. На новы ўзровень выйшла партнёрства па абмене інавацыйнымі тэхналогіямі. На міжнароднай арэне Беларусь і Расія таксама выступаюць з адзінай пазіцыяй, сумесна ўмацоўваючы абароназдольнасць і бяспеку Саюзнай дзяржавы. Разам з усімі ганцаўчане таксама ўносяць свой уклад ва ўмацаванне двухбаковых сувязей, развіваюць эканамічныя, сацыяльна-культурныя кантакты з расійскімі рэгіёнамі.
Сардэчна віншуем усіх жыхароў раёна са святам, жадаем дабра, шчасця, здароўя і дабрабыту ў сем’ях.
Раённы выканаўчы камітэт.
Раённы Савет дэпутатаў.