У Салігорску мужчына ратаваў сябра, які падаў з моста, і ўпаў разам з ім

У Салігорску мужчына ратаваў сябра, які падаў з моста, і ўпаў разам з ім. Здарэнне адбылося апоўначы 31 сакавіка на вадасховішчы. Двое нецвярозых мужчын знаходзіліся на тэхналагічнай пляцоўцы пад мостам. У нейкі момант адзін з іх страціў раўнавагу і ўпаў з пляцоўкі. Яго спрабаваў утрымаць сябар, але няўдала. Калі на месца прыбылі супрацоўнікі МНС, мужчыны знаходзіліся ў вадзе ў 150 метрах ад берагу. Іх выратавалі і перадалі медыкам. Абодва пацярпелыя шпіталізаваныя ў рэанімацыю з дыягназам "агульнае пераахаладжэнне".