Першацветам месца ў лесе
Мала хто задумваецца, што за збор першых вясновых букетаў можа пагражаць адміністрацыйная адказнасць.
“На Смаргоншчыне расце некалькі відаўпершацветаў, занесеных у Чырвоную кнігу”, - расказвае галоўны спецыяліст гаррайінспекцыі прыродных рэсурсаў і аховы навакольнага асяроддзя Валянціна Кароль. “Гэта прастрэл лугавы, прастрэл раскрыты. Яны выяўлены ўсяго ў шасці месцах па раёне – у Жодзішкаўскім і Сольскім лясніцтвах”.
Валянціна Браніславаўна нагадала, што ў адпаведнасціз артыкулам 24 Закона РБ “Аб раслінным свеце” і на падставе пункта 2 артыкула 15.8 “Парушэнне патрабаванняў па ахове і выкарыстанні дзікіх жывёл і дзікарослых раслін, уключаных у Чырвоную кнігу Рэспублікі Беларусь, месцаў іх жыхарства і вырастання” Кодэкса РБ аб адміністрацыйных правапарушэннях за вынішчэнне гэтых першацветаў можна атрымаць штраф ад 20 да 50 базавых велічынь.
Віялета ВОЙТКА.