Бліжэйшым часам, па дадзеных спецыялістаў, надвор’е на тэрыторыі Нясвіжскага раёна свой характар не зменіць: будзе пахмурна з праясненнямі, прагназуюцца невялікія ападкі, часам — ветрана, тэмпература будзе адпавядаць кліматычным нормам сакавіка.
Сёння, 21 сакавіка, спецыялісты абяцаюць воблачнае без праяснення надвор’е, вецер — паўночна-заходні, але не такі вялікі: 5 — 7 метраў за секунду. Дзённая тэмпература складзе +6…+8 °С, ноччу — таксама да 8 цяпла.
Beautiful sunlight through clouds
У пятніцу, 22 сакавіка, ранкам магчымы невялікі дождж і пахмурнасць, удзень — малавоблачнае надвор’е. Вецер паўночна-заходняга напрамку ўзмоцніцца да 7 — 9 м/с, парывы могуць дасягаць 18. Удзень 9…10 градусаў вышэй за нуль, уначы — ад -1 да +2 °С.
У суботу, 23 сакавіка, прагназуецца яснае, амаль бязвоблачнае, надвор’е. Ападкаў не прадбачыцца. Паўночны вецер сцішыцца да 3 — 5 м/с. Удзень 6…11 градусаў са знакам “+”, ноччу — +5 °С.
Нядзеля, 24 сакавіка, верагодней за ўсё, стане больш пахмурнай, а ў першай палове дня магчымыя ападкі ў выглядзе дажджу. Вецер — паўночна-заходні — 6 — 8 м/с, парывы — да 13. Паветра прагрэецца ўдзень да +9…+11 °С, ноччу — 2…3 градусы вышэй за нуль.
Суцэльную воблачнасць абяцаюць сіноптыкі ў першы дзень наступнага тыдня. На працягу дня — невялікі дождж. Вецер будзе неістотным. Удзень слупок тэрмометра пакажа 7…9 градусаў цяпла, уначы — каля 3…4 градусаў са знакам “+”.
“НН”.