У Гродне хуткая трапіла пад фуру (фота)
15.03.2019 12:50
—
Разное
![У Гродне хуткая трапіла пад фуру (фота)](http://www.21.by/pub/news/2019/03/1552645247626679.jpg)
vk.com/grodnogai
У Гродне аўтамабіль хуткай дапамогі трапіў пад фуру. Увечары 14 сакавіка ён вяртаўся з выкліку ў вёску Новая Руда. На Старамалышчынскай вуліцы кіроўцу асляпіла сонца і ён часткова выехаў на паласу сустрэчнага руху. Там і адбылося сутыкненне са "Сканіяй", кіроўца якой яго пазбегнуць не змог. У аўтамабіляў — механічныя пашкоджанні. Ніхто з людзей у ДТЗ не пацярпеў, інфармуе прэс-служба ДАІ Гродзенскай вобласці.
Сайт 015.by дадае, што пацыентку, якую везлі на хуткай, завезлі ў бальніцу на іншым аўтамабілі.