Трагічнае ДТЗ пад Мінскам: пасажыр легкавіка загінуў пры сутыкненні з фурай

У ДТЗ у Мінскім раёне загінуў пасажыр легкавіка, інфармуе БЕЛТА са спасылкай на Мінскае абласное ўпраўленне МНС.

Аварыя здарылася сёння на трасе М6 Мінск — Гродна. На дарозе сутыкнуліся легкавая "Шкода" і фура. 

Ратавальнікі атрымалі выклік на месца ДТЗ у 15:59. Яны дэблакавалі пасажыра "Шкоды", але медыкі канстатавалі смерць мужчыны. 

Абставіны ДТЗ высвятляюцца.