У царкве ў Мінску ратавалі жанчыну, у якой заціснула руку ў машыне для цеста

У праваслаўнай царкве ў Мінску па вуліцы Кісялёва ратавалі 60-гадовую жанчыну, у якой заціснула руку ў машыне для цеста. Здарэнне адбылося 7 лютага. Пенсіянерка раскатвала цеста і па неасцярожнасці засунула кісць левай рукі ў машыну. Самастойна яе дастаць яна не змагла. У царкву прыязджалі супрацоўнікі МНС, якія вызвалілі руку жанчыны з дапамогай спецінструментаў. Пацярпелую завезлі ў бальніцу, у яе пераломы пальцаў, інфармуе прэс-служба ратавальнікаў.