Кніга легенд-апавяданняў пра «каменных» продкаў

Многія беларусы добра ведаюць пра ўнікальныя Краснасельскія неалітычныя  крэмнездабыўныя шахты ў Ваўкавыскім раёне. Пра іх нават можна прачытаць у школьных падручніках па гісторыі Беларусі.

Калекцыянер і археолаг Міхась Вераціла  родам з гэтых мясцін. Яго жыццё працякала на фоне адкрыцця, выяўлення і разбурэння гэтага цікавага аб’екта археалогіі і гісторыі – шахтаў па здабычы крэмню – «жалезнага каменнага веку». Таму ён усё жыццё даследуе, як жылі далёкія продкі «жалезнага каменнага веку».

Першую легенду-апавяданне «Курыны Бог» Міхась Вераціла надрукаваў у 1985 годзе. Гэта апавяданне пахваліў гісторык Міхась Чарняўскі. Тады спадар Вераціла працягваў пісаць новыя легенды пра людзей «жалезнага каменнага веку». Іх назбіралася цэлая кніжка «Багі з-над Росі», якая нядаўна пабачыла свет у Слонімскай друкарні накладам 200 асобнікаў.  

У кнігу Міхася Верацілы ўвайшлі 20 апавяданняў-легенд, якія аздоблены рознымі малюнкамі і здымкамі, паведамляе Беларускае Радыё Рацыя.

Малюнкі з кнігі «Багі з-над Росі»