Эвакуяваны офіс "Белавія" на вуліцы Леніна ў Мінску

5 лютага быў эвакуяваны офіс кампаніі "Белавія" на скрыжаванні вуліц Леніна і Карла Маркса ў Мінску (там знаходзяцца касы). Прычынай стала ананімнае тэлефоннае паведамленне пра выбуховае прыстасаванне, інфармуе ў Twitter сталічная міліцыя. Бомбу шукаюць сапёры. Будынак ачэплены міліцыянерамі, перакрыты рух транспарту на прылеглых вуліцах, а таксама паварот з праспекта Незалежнасці на вуліцу Леніна.