Встреча пионеров Шумилинской СШ №2 со спасателями получилась на все 100
04.02.2019
—
Разное
“Сустрэчы на ўсе 100!”
Па ўсёй краіне рэалізуецца рэспубліканскі праект для піянераў “Сустрэчы на ўсе 100!”. Дадзены праект – гэта адукацыйная пляцоўка для ўзаемадзеяння дзяцей і дарослых, дзе кожны ўдзельнік абагачае сябе новымі ведамі ў вобласці мастацтва, навукі, культуры, спорту, розных прафесій.
Да праекта далучыліся і шумілінскія школьнікі. Так, нядаўна члены піянерскай дружыны імя Д. Мінчугова СШ №2 г. п. Шуміліна пабывалі на экскурсіі ў раённым аддзеле па надзвычайных сітуацыях. Начальнік каравула Аляксей Шустроў і інспектар інспекцыі нагляду і прафілактыкі Уладзіслаў Салабута расказалі пра асаблівасці службы ў РАНС, чаму выбралі прафесію выратавальніка. Піянеры з захапленнем слухалі маладых, ініцыятыўных і перспектыўных работнікаў райаддзела, задавалі пытанні. Усім вельмі спадабалася спецтэхніка выратавальнікаў. Дадому вярталіся з добрымі эмоцыямі – сустрэча на самой справе прайшла на ўсе 100.
Алена ЗУЕВА, метадыст РЦДіМ.
Надрукавана ў №11 ад 05.02.2019 г.