У панядзелак на паўднёвы захад краіны прыйдзе адліга

У бліжэйшыя суткі, 28 студзеня, у Беларусі чакаецца хмарнае з праясненнямі надвор’е. На заходняй палове краіны сіноптыкі прагназуюць невялікі снег, слабую завіруху. Удзень на паўднёвым захадзе пройдзе мокры снег.

Уначы і раніцай месцамі слабы туман, удзень на паўднёвым захадзе слабы галалёд, на асобных участках дарог захаваецца галалёдзіца.

Вецер будзе паўднёва-ўсходні парывісты. Тэмпература паветра ўначы складзе 9-15 градусаў марозу, пры праясненнях — мінус 16-22. Удзень будзе 3-9 са знакам мінус.

На паўднёвым захадзе ўначы прагназуюць 4-8 марозу, а ўдзень — ад мінус 2 да плюс 1, перадае БЕЛТА са спасылкай на Белгідрамет.