Узнагароджванні

25 студзеня падчас правядзення пасяджэння Шаркаўшчынскага раённага выканаўчага камітэта кіраўнік раёна Дзмітрый Міхайлавіч Ламака ўручыў Ганаровую грамату райвыканкама галоўнаму аграному ААТ “Жвіранка” Анатолію Міхайлавічу Заляціла. Падзякамі старшыні райвыканкама адзначаны намеснік начальніка фінансавага аддзела райвыканкама Віктар Анатольевіч Кажура і ветэраны працы фінансавых органаў раёна — Валянціна Аляксееўна Лось і Марыя Паісьеўна Кажура.

Узнагароды атрымалі супрацоўнікі Шаркаўшчынскага раённага аддзела па надзвычайных сітуацыях. Ганаровая грамата раённага Савета дэпутатаў уручана начальніку пажарнага аварыйна-выратавальнага паста № 13 аг. Лужкі Івану Станіслававічу Байкоўскаму. Падзякамі старшыні раённага выканаўчага камітэта адзначана праца вадзіцеля пажарнага аварыйна-выратавальнага паста № 12 в. Варонка Аляксея Мікалаевіча Янучкоўскага і вадзіцеля пажарнай аварыйна-выратавальнай часці № 1 гарадскога пасёлка Валерыя Пятровіча Фёдарава.

Сяргей РАЙЧОНАК.