Начны пажар у галоўным корпусе ўніверсітэта ў Брэсце

Уначы 25 студзеня ў 7-павярховым будынку галоўнага корпусу Брэсцкага дзяржуніверсітэта імя Пушкіна на бульвары Касманаўтаў адбыўся пажар. Як інфармуе прэс-служба МНС, узгаранне было на сёмым паверсе. Яго прычына пакуль невядомая. Агонь паспеў знішчыць сістэмны блок камп'ютара, прынтар, пашкодзіў пісьмовы стол.

Як адзначае сайт brestcity.com, на месца здарэння прыязджала да дзясятка машын спецыяльнай тэхнікі ратавальнікаў.