Вучні сярэдняй школы №7 г. Смаргоні прынялі актыўны ўдзел у конкурсе «Зiмовыя фарбы Гродзеншчыны»

На два дні тэрыторыя школы ператварылася ў своеасаблівую творчую майстэрню пад адкрытым небам. Дзеці развялі фарбы, падрыхтавалі ў школьным двары снежнае палатно і пачалі тварыць...

Хутка на снезе з'явіліся прыбраныя елачкі, упрыгожаныя яркімі шарыкамі і рознакаляровымі канфеці, пацешныя снегавікі, гарэзлівы васьміножак Айсік, чырвонагрудыя снегіры, весёлая свінка, таямнічы анёл, навагодні падарунак, самая сапраўдная зімовая казка, сімпатычны кіт і многае-многае іншае.

Праца над стварэннем малюнкаў і фігур дала магчымасць кожнаму ўдзельніку праявіць сваю фантазію і падарыла велізарную порцыю станоўчых эмоцый.

Марыя ГОВІЧ, настаўнік рускай мовы і літаратуры сярэдняй школы №7 г.Смаргоні.

Фота аўтара.