У Чэрвенскім раёне сутыкнуліся два аўтобусы з дзецьмі, ёсць пацярпелыя

У Чэрвенскім раёне сутыкнуліся два аўтобусы з дзецьмі, ёсць пацярпелыя. Здарэнне адбылося ўвечары 8 студзеня каля вёскі Калодзежы на 75-м кіламетры трасы Мінск — Магілёў. Як інфармуе БЕЛТА, калона аўтобусаў з дзецьмі накіроўвалася з Мінска ў Магілёўскую вобласць. У нейкі момант вадзіцель аўтобуса "Нёман" не саўладаў з кіраваннем і дапусціў сутыкненне з аўтобусам МАЗ, які ехаў наперадзе і зніжаў хуткасць. Паводле папярэдняй інфармацыі, прычынай зніжэння хуткасці стала з'яўленне каля дарогі ласёў.

У ДТЗ пацярпелі дзве 12-гадовыя школьніцы з аўтобуса "Нёман". Яны атрымалі цялесныя пашкоджанні і былі завезеныя ў бальніцу.