У ДУ “Нясвіжскі гісторыка-краязнаўчы музей” праходзіць выстава “Старонкі гісторыі маёй краіны”, прысвечаная 100-годдзю ўтварэння БССР. На ёй можна пазнаёміцца з асноўнымі падзеямі ў жыцці нашай дзяржавы — ад стварэння БССР 1 студзеня 1919 года да падпісання Пагаднення аб стварэнні Садружнасці Незалежных Дзяржаў 8 снежня 1991 года. На выставе прадстаўлены копіі фотаздымкаў кіраўнікоў краіны і Нясвіжчыны, дакументы, кнігі, пласцінкі, работы дэкаратыўна-прыкладнога мастацтва з фонду музея.
Прадоўжыцца выстава да 30 студзеня.