У беларуса, які вяртаўся з Украіны, знайшлі схаваныя 25 тысяч долараў

У беларуса, які вяртаўся з Украіны, знайшлі схаваныя 25 тысяч долараў у эквіваленце (долары, еўра, расійскія рублі і ўкраінскія грыўны), якія ён хацеў правезці без дэкларавання. У пункце пропуску "Макраны" мытнікі натрапілі на валюту ў асабістых рэчах кіроўцы легкавога аўтамабіля Chrysler, які ехаў па "зялёным" калідоры. Колькасць валюты, якая перавышала дазволеную суму, склала каля 15 тысяч долараў. У дачыненні парушальніка склалі пратакол аб адміністрацыйным правапарушэнні, інфармуе прэс-служба Дзяржаўнага мытнага камітэта Беларусі.