МНС: Сёлета ў Мінскай вобласці ўзрасла колькасць здарэнняў

Міністэрства надзвычайных сітуацыяў канстатуе рост колькасці здарэнняў у Мінскай вобласці. Паводле статыстыкі ведамства, змешчанай на сайце МНС, ад пачатку 2018 года ў сталічным рэгіёне зарэгістравалі 1513 здарэнняў тэхнагеннага характару, а летась за такі ж самы перыяд іх было 1222.

Падчас такіх здарэнняў у 2018 годзе загінула 130 чалавек (летась было 121), у тым ліку 2 дзяцей (летась — адно дзіця). Траўмы атрымалі 58 чалавек (летась 47), знішчана 369 пабудоваў (летась 264), пашкоджана 1309 забудоваў (летась 1022).

Пры гэтым сёлета ўратавалі 148 чалавек (летась 147), эвакуявалі 1461 (летась 1114).