Уначы ў Мінску падчас пажару загінулі два чалавекі

Уначы ў Мінску на вуліцы Пермскай падчас пажару загінулі два чалавекі. Як інфармуе прэс-служба МНС, здарэнне адбылося на пятым паверсе пяціпавярховага дома. Яго жыхары патэлефанавалі ратавальнікам ў 00:54, паведамілі пра дым, які ідзе з адной з кватэр. Высветлілася, што ўзгаранне адбылося ў адным з пакояў (на плошчы 20 квадратных метраў), пасля агонь перакінуўся на балкон.

Цела гаспадара кватэры знайшлі ў калідоры, цела яшчэ аднаго мужчыны было ў пакоі, у якім адбыўся пажар. Абодва памерлі. Падчас ліквідацыі ўзгарання з суседніх кватэр эвакуявалі людзей.

Мяркуецца, што пажар у кватэры адбыўся з-за неасцярожнасці падчас курэння.