У Светлагорску дзіця ўпала з балкона шостага паверха

У Светлагорску дзіця ўпала з балкона шостага паверха. Здарэнне адбылося ўвечары 3 снежня. Паводле папярэдніх дадзеных, у кватэры з 4-гадовым хлопчыкам не было бацькоў — яны пакінулі яго пад наглядам сваякоў. Калі цётка выйшла ў іншы пакой, дзіця адчыніла дзверы і апынулася на балконе. А пасля ўпала. На зямлі хлопчыка ўбачылі прахожыя, якія патэлефанавалі ў "хуткую" і міліцыю, паведамляюць "Светлагорскія навіны".

Дзіця знаходзіцца ў рэанімацыі ў вельмі цяжкім стане.